Assalamu'alaikum ahli rumoh nyo,
Saleum Bak Kamoe nyang baro teuka,
Laen tan sapee nyang na bak kamoe,
Keu bungong jaro wirid kamoe ba.
Karena saleum Nabi kheun sunat,
Jaroe ta meumat tanda mulia,
Mulia wareh ranub lam puan,
Mulia rakan mameh suara.
Saleuem kamoe brie ke bandum rakan,
Sereuta sajan sahabat lingka,
Jaroe nyang siploh di ateuh ulee,
Meuah talake wahe syedara.
Ngoen izin Allah nibak uroe nyoe,
Kamoe jak keuno wahe syedara,
Neu lakee do'a bak Tuhan Sidroe,
Bandum kamoe nyoe bee ek seujahtra.
Troh langkah kamoe wahee syedara,
Maksud ngeu hajat sambong setia,
Peu izin kamoe wahee Syedara,
Kamoe jak siat untuk meu do'a,
Pinto syiruga lapan neu peuhah,
Beu neupeuleumah bandum nikmatnya.
Watee geu bangket beekna meukarat,
Deungon beurekat 'aleem ulama,
Di padang masya watee berjalan,
Neubri keundraan kula ngon unta.